KAMPENI YA BINTI JITAMBUE

KAMPENI YA BINTI JITAMBUE

YOPOCODE Ni shirika lisilokuwa la  kiserikali lililosajiliwa kwa mujibu wa sheria namba 24 ya NGOs ya mwaka 2002. Lililosajiliwa rasimi na kupata cheti cha usajili tarehe 12/04/2017 chenye namba ya usajili 00NGO/0009139.

MAKAO MAKUU

Makao makuu yake yapo mtaa wa Mazingula, kata ya Ilembo, Halmashauri ya wilaya ya Mbeya vijijini mkoani Mbeya nchini Tanzania. Pia YOPOCODE wana Tawi lake katika Kata ya Ipembe, wilaya ya Singida katika Mkoa wa Singida.

DHAMIRA YA YOPOCODE

Dhamira yake ni kuwawezesha vijana kwa kuwajengea uwezo Wa kujitambua na kutumia rasilimali zinazo wazunguka na fursa mbalimbali zinazopatikana katika maeneo yao kwa lengo la kuleta maendeleo katika jamii.

DIRA YA YOPOCODE

Dira yake ni kuwa shirika kubwa Tanzania litakalo wawezesha vijana kujitambua kwa kutumia uwezo walionao au vipaji au taaluma au rasilimali zinazo wazunguka ili kujiletea maendeleo katika jamii.

MALENGO YA YOPOCODE:

1. Ni kutoa elimu itakayowajengea uwezo vijana Tanzania kutambua na kutumia fursa zilizopo katika Jamii zao kwa maendeleo yao na jamii yao.
2. Kuhamasisha uundwaji wa vikundi vya ujasiriamali na uchumi kwa vijana Tanzania.
3. Kuwahamasisha vijana Tanzania kushiriki katika shughuli za maendeleo
4. Kutoa elimu ya uzazi na maambukizi ya ukimwi kwa vijana Tanzania.
5. Kuwachochea vijana Tanzania kushiriki na kukubali mabadiliko ya kisera na kushiriki katika utekelezaji kiuchumi kwa ajili ya maendeleo ya Jamii zao na taifa kwa ujumla Wake.

MHUTASARI KUHUSU MRADI

Leo katika uzinduzi wa kampeni hii ya Binti Jitambue ni moja ya utekelezaji wa malengo 17 ya malengo ya milenia ambayo yaliafikiwa na wanachama 189 wa umoja wa Mataifa mwaka 2015, ambapo lengo  namba 3  linazungumzia haki sawa kwa wote na kumwezesha mwanamke (Promote Gender Equality and Empower Women). Ukiachilia mbali malengo ya milenia hata shiriki letu la YOPOCODE malengo yake yako bayana juu ya kumsaidia kijana kujitambua Na hii inaenda sambamba kabisa na kampeni yetu ya “ BINTI JITAMBUE”.Hivyo tunaamini kampeni hii itakuwa ni chachu ya maendeleo kwa vijana wa kike. Na kwa mwaka 2017/2018 tutaanza na kata 18 za Halmashauri ya Mbeya vijijini na baadaye kampeni yetu kusambaa mkoa mzima na taifa kwa ujumla wake.

VIASHIRIA

Kuna viashiria mbalimbali ambavyo vimepelekea kuanzisha kampeni hii ya binti jitambua

1. Kuwepo kwa wasichana ambao wanaacha shule kwa sababu ya kujiingiza kwenye mahusiano ya kimapenzi ,hii inatokana na wasichana wengi kukosa elimu ya kujitambua na kufanya maamuzi sahihi hasa pale anapokutana na vishawishi

2. Kuongezeka kwa idadi ya wasichana wanaopata mimba wakiwa shule .

3. Wasichana kukosa elimu ya ujinsia kabla na baada ya kuvunja ungo

MALENGO YA MRADI

Malengo mahususi ya mradi huu ni kuwafikia mabinti 900 katika Halmashauri ya Mbeya vijijini kuhusu KUWAJENGEA UWEZO KUHUSU ELIMU YA KUJITAMBUA.

MALENGO YA JUMLA

Malengo ya kampeni hii ya “Binti Jitambue” yanatokana na changamoto mbalimbali ambazo mabinti wengi wanapitia katika kipindi cha ukuaji na mabadiliko ya miili yao ambayo hutokea baada ya kuvunja ungo.

Hivyo malengo yafuatayo yataweza kumwezesha binti kutambua na kuchukua hatua kufanya maamuzi sahihi.

1. Kuwa na taarifa sahihi za mabadiliko yanayotokea katika mwili wake. Hii itamwezesha binti kujua ni wakati upi na ni nini cha kufanya anapoona mabadiliko fulani katika mwili wake. Kwa sababu atakuwa na taarifa sahihi hivyo, ataweza kuchukua hatua impasayo na kwa wakati sahihi.

2. Kutoa  elimu ya kujitambua na kujiepusha na vishawishi kutoka kwa wanaume

Wasichana wengi hukumbana na vishawishi kutoka kwa wanaume ambavyo husababisha kushindwa kuendelea na masomo kwa kupata mimba, pia kuingia kwenye ngono zembe ambayo huwafanya kutumia muda mwingi kujihusisha na mapenzi badala ya kusoma. Hivyo tunaamini kampeni utawapa uwelewa wa kutosha kuhusu njia mbalimbali za kuwaepuka mafataki huko mitaani

3. Kujumuika na makundi rika

Elimu kuhusu makundi rika itawawezesha vijana/mabinti kutambua nafasi yake katika kufanya maamuzi kwani wengi wao hufuata mkumbo kutoka kwenye makundi rika elimu hii itawaongezea uwezo wa kufanya maamuzi sahihi na kwa wakati sahihi.

4. Kuchagua marafiki

Tunatambua kwamba kila msichana huwa na rafiki yake ambaye anamwamini na kumweleza mambo yake yote, elimu ya kumwezesha binti kuchagua rafiki mwema. Hii  itawafanya mabinti kuwa na marafiki watakaowaongoza kufikia malengo yao.

5. Kuwawezesha wasichana kuwa na malengo.

Wahenga walisema huwezi kupotea kama hujui unapokwenda, kama wasichana watapatiwa elimu ya namna gani ya kupanga malengo na kuyafikia malengo ambayo ameyapanga.

6.    Kuongozwa ili ajenge haiba.

Elimu kuhusu haiba itawawezesha mabinti kuwa nadhifu katika mavazi na miili yao pia. Kwani kumekuwa na kasumba hasa kwa mabinti kuvaa nguo za ajabu(nusu uchi) na hivyo kuongeza ushawishi kwa wanaume hasa mafataki au wanaume wasio na hofu ya Mungu. Kwa mabinti wadogo wenye umri sawa na watoto wao.

UHAI WA MRADI:

Kwa sababu nimekuwa YOPOCODE  kwa mara kadhaa tumeshiriki katika kampeni za kijamii na kwa uzoefu tulionao miongoni mwetu viongozi inatupa imani na nguvu kuwa mradi huu pekee utaduma na kuwanufaisha walengwa kwa kiasi kikubwa. Mwaka 2016 miongoni wa viongozi wetu walishiriki katika kampeni ya LISHE YA MAMA NA MTOTO iliyokuwa inafanyika mkoa wa Lindi chini ya shiriki la maendeleo ya wanawake ROWODO na kudhamini na shirika la SAVE THE CHILDREN..

WADAU WAKUU WA KAMPENI/MRADI

Ili kampeni hii ya BINTI JITAMBUE iweze kuwafikia wasichana wengi zaidi na jamii  kwa ujumla wake, tumependekeza wafutao kuwa wadau wa kampeni hii na mchango wao unahitajika sana kufanikisha mradi wetu;

a)      Mkuu wa mkoa wa Mbeya

b)      Wakuu wa wilaya ( kwa sasa mkuu wa wilaya ya mbeya)

c)      Maafisa elimu wa mkoa na wilya

d)      Maafisa maendeleo mkoa na wilaya

e)      Maafisa ustawi mkoa na wilaya

f)       Viongozi wa dini na siasa

g)      Wakuu wa shule za misingi na sekondari

h)      Wanafunzi wa kike kwa shule ya msingi kuanzia Darasa la tano hadi la saba

i)        Wanafunzi wa sekondari kuanzia kidato cha kwanza hadi cha sita.

NAMNA YA KUFIKISHA UJUMBE WA KAMPENI

BINTI JITAMBUE ni kampeni iliyoandaliwa mahususi kuwasaidia watoto wa kike/ binti kukuza uelewa na kujitambua na hatimaye kufikia malengo kielimu na kimaisha kwa maslahi ya maisha yao na jamii nzima. Kwa hiyo ili kuhakikisha ujumbe wa kampeni unaifikia jamii ya Tanzania na walengwa yaani wanawake ( binti) tutatumia vyombo vya habari kama ifuatavyo;

a)      Mitao ya kijamii kama facebook, whatsapp na blogs

b)      Radio na television kwa matangazo na mahojiano

c)      Vipeperushi na mabango

d)      Magazeti na majarida

e)      Mbao za matangazo za mashuleni

i) Aidha tutaanzisha klabu za wasichana mashuleni zenye lengo la kuwafanya wapate mwamko wa kujadili kwa pamoja chanagamoto zao kupitia midahalo na mijadala yao.

ii) mashindano ya mpira wa pete na miguu kwa timu za wanawake.

iii) michezo na burudani zitakazowafanya wakutane na kujenga urafiki miongoni mwao.

UHALALI WA KAMPENI, KIJAMII, KISIASA NA KIUCHUMI

Nina uhakika mradi huu utafanikiwa kwa kiasi cha juu kwa sababu changamoto zinazowakwamisha watoto wa kike kufikia malengo yao ziko wazi kabisa.

 Ongezeko la mimba na ndoa za utotoni ni kiashiria tosha kwamba kampeni yetu inahitajika kwa kiasi kikubwa sana. 

Aidha utoro kwa watoto wa kike katika masomo, kuachishwa shule au kukatisha masomo kwa sababu ya ujauzito ni kiashiria tosha kwamba kampeni hii ni halali kabisa.

mradi huu unakubarika kuchumi, kijamii, kitamaduni na kiteknolojia na ni  dhahiri unaendana na sera ya nchi ya Tanzaniana umoja wa mataifa inayotaka kuwepo  kwa usawa na upataji haki ya elimu na kuendelezwa. Hivyo kwa heshima ya pekee naomba uone upekee wa kuwa sehemu ya wadau wakuu wa  mradi huu.

HITIMISHO    

Mradi huu unakubalika kijamii na kiuchumi na hata kitamaduni, kutokana na uwezo wake wa kutekerezeka kwake na natamani kila mtu awe sehemu ya kampeni hii.

BINTI JITAMBUEEEEEEEEEEEEEEEEEEEEEEEEEEEEEEEEEE.